كوسا حوس أكلة نباتية من أيام زمان 💘🫶🏻🥹
المكوّنات:
✔️ ملعقة كبيرة زيت زيتون
✔️ ١ بصل مقطع
✔️ ٤ ثوم مقطع
✔️ ٥ كوسا مقطعات لمكعبات
✔️ ٢ بندوره مقطعات لمكعبات
✔️ رشة فلفل أسود
✔️ ملعقة صغيرة بهار مخلوط (مشكل)
✔️ رشة ملح
✔️ كأسين كبار مي
✔️ نص كأس صلصة بندورة
الطريقة:
✔️ بنشوح البصل والثومة بزيت الزيتون ولما يذبلوا بنضيف الكوسا والبندوره ولبهارات بنشوحهن مع بعض
✔️ بنسكب المي عليهن وبنغطيهن ع نار هاديه يستوين
✔️ لما يستوي الكوسا بده ١٠-١٥ دقيقة بنضيف صلصة البندورة وبنتركهن يغلين دقيقتين
✔️ ذوقوا اذا بدكم اضافة ملح وجاهزين
✔️ البرغل بنقعه ساعه وبعدها بصفيه، بالطنجره ببهروا بفلفل اسود وملح وملعقه زيت زيتون وبضيف عليه مي نص كأسه وبحركهن منيح وبضل احرك لحد ما تتنشف المي بطفي تحتيهن وبغطيهن وبعدها بفصلهن بالشوكة وجاهزين
والف صحة وهنا 💘
