لفه شوفان من ٣ مركبات محشية بأشياء زاكيه 🌯🫓🍆🥚
✔️ ملانة ألياف ✔️بدون جلوتين (شوفان بدون جلوتين)
✔️ مشبعه بشكل
المكوّنات للفه الشوفان:
✔️ كأس شوفان
✔️ كأس مي
✔️ رشة ملح
الطريقة:
▪️بنخلطهن بالمكسر منيح منيح
▪️ بنسخن قلاي نون ستيك (مهم جداً تكون نون ستيك وسخنه اذا لا ما بتزبط)
▪️ بنسكب الخليط ومباشرة منوزعه على الأطراف(وزعوا مباشرة ولا بلزق بعدها)
▪️ لما تبلش تجف السوائل من فوق بدا ٥ دقائق تقريبًا بنقلب اللفه (افحصوا اذا جفت السوائل كلها مهم)
▪️ ونفس الشي الجهة الثانيه بدها كمان ٤-٥ دقائق (ممكن اقل وممكن اكثر حسب قلايتكم مهم نكون يقظين)
طريقة الباذنجان:
✔️ قطع باذنجان
▪️ رشه ملح عليهن وبنمرق عليهن بشوكه وبعد ٥ دقائق بتطلع السوائل منهن بنجففهن بورقة مطبخ
▪️ بندهنهن بزيت زيتون
▪️ بندخلهن ع فرن تم تسخينه على ٢٠٠ مدة ٢٠ دقيقه بدون مروحه اذا بلشوا يحمروا غطوهن بورقة خبيز ليستوا وما يقسوا
اللفه عبارة عن:
▪️ لفه شوفان
▪️ طحينه من السمسم الكامل حليتها بمي وليمون ورشه ملح
▪️ قطع باذنجان
▪️ بيضه عليها رشات ملح وفلفل اسود وبقدونس
▪️ خضار: مخلل بيتي، فلفل احمر، بندوره
وذوقوا بعدها هالطعم الخرااااااافي 🤝
