يخنه الباتنجان (الباذنجان)
من الأكلات السهلة والبسيطه والاقتصادية والي طعمها حرفياً تحفه ومشبعه بشكل وملانه ألياف 💘
ليكون بجنبها بروتين ممكن تدمجوا حمص او فول طيب بيطلع 🤝
المكوّنات:
✔️ ملعقتين زيت زيتون
✔️ ١ بصل
✔️ ٤ ثومه + سن لما تخلص الطبخه
✔️ ٢ بندوره او ١٠ حبات شيري
✔️ ٢ باذنجان وسط او واحد كبير
✔️ لتر ونص مي
✔️ ملح
✔️ ممكن تضيفوا ملعقة بودره خضار للي بحب طعمتها (ذوقوها وقرروا اذا بدكم)
الطريقه:
✔️ بنشوح البصل والثومه بزيت الزيتون
✔️ لما يذبلوا بنضيف البندوره
✔️ وبعدها قطع الباذنجان (قطعوه لمكعبات) وبنشوحهن
✔️ بنضيف المي وبنتركهن لحد ما يستوي الباذنجان من ٢٠-٢٥ دقيقه بنخليهن يغلوا
✔️ بعدها بنضيف الملح وبودرة الخضار اذا بدكم
✔️ و١ ثوم بنضغطه وبنطفي تحتيهن
✔️ جربوها مع رز بجنبها وألف صحة وهنا
نكون جميعاً بخير وعافية 🙏
